GMMK Pro評價

本文由香印提子提供,係到都想多謝佢~   原本我係想拍埋片,不過時間關係都係出文算 TLDR:  新手唔建議你買,除非你想去高難度挑戰。 老手除非錢多,如果唔係都可以唔洗買。 簡介: GMMK Pro係一隻glorious 出既半成品鍵盤。 係一隻熱插拔既鍵盤黎,用家可以放唔同軸上去上面用。 右上角有一個音量旋扭,可以比用家調教音量。 首先,我想講隻Board有既優點先。 其實呢一隻board既價錢係自組半成品黎講算係好平。 用料同埋foam方面都比足料,成個package睇落係好唔錯。 但係呢一隻實在有太多設計上面既問題同埋缺憾,導致極唔方便。 要用好多唔同既方法先可以改善到佢本身既問題。 呢一個都係我點解唔建議新手買既原因。 問題一:衛星軸 隻board本身係有跟螺絲既衛星軸,已經幫你上油同埋Bandaid mod。 咁其實佢本身有stab係一件好事黎,但係佢用既油同埋份量就好有問題。 佢果隻油比較杰而且好痴手,同TTC本身stock果啲油差唔多。 結果啲油就係衛星軸周圍漿住,再加埋佢Bandage mod同啲油會啜住個Stab。 令到成個衛星軸好似比白膠漿痴住,唔識彈返上黎。 係呢個時候,玩開自組既朋友可能會諗,咁佢本身衛星軸唔得,咁我用自己既stab再tune返佢咪得囉。 呢個就係個問題所在。佢本身喂果塊反智plate係唔support其他衛星軸。即係不論你用GMK,JWK定C3,都係入到PCB但係過唔到個Plate既。如果你想用自己既plate就要買過另一塊plate。     問題二:Gasket Mount 新手可能未必知咩野係Gasket Mount,係到做少少補充先。 唔同自組鍵盤其實都有唔同既固定系統(Mounting system),而每一隻Mounting對鍵盤嘅聲同手感都係有一定既影響。 普遍既Gasket Mount鍵盤手感係比較軟,彈手,同埋聲係比較靜。而GMMK Pro作為一隻Gasket Mount既鍵盤,用返原裝既套件係完全無上述既優點,完全發揮唔到gasket mount既作用。無論你用咩野軸都係手感硬,聲難聽。 當然而家多左好多人用唔同方法去改呢一隻鍵盤,令到佢既聲同手感可以改善返。但係藉唔藉得你用咁多錢同時間去改呢一隻鍵盤就要睇你自己了。 我地既提神用左唔少時間去改自己隻GMMK Pro,有興趣既都可以去聽下。   問題三:軟件問題 其實牙軒自己就無買到呢一隻鍵盤既,對個software既了解可能唔夠深。 隻鍵盤本身support glorious自己既software同QMK。 但係個software只係support window而唔support MAC,變相MAC用家一定要用QMK。 係呢一方面我個人覺得唔夠User friendly,新手要用返唔少時間去學用QMK。 點解唔直接整落VIA到,或者出返個support windows既software比大家用呢? 已試mod方法: 基本上谷友所有可行既mod都已經試過哂 拎走plate foam 拎走case foam 唔上螺絲 剪走所有plate既螺絲口(成隻keyboard最弱智既位, plate有8個螺絲位頂住塊pcb,令到塊plate完全冇活動空間,簡單d講,冇哂彈性,所以剪走佢) 另外有谷友將塊plate剪開三份,令到每一份都有返彈性(效果幾顯著) 效仿GOK 7V既plate flex cut做法,係每一塊凸出黎既plate leaf兩邊開一條坑,咁做就算隻board既gasket冇活動空間,可以係每一塊plate leaf度提供返應有既彈性   總結 :  呢隻board最大問題就係結構, 就算拎走所以既隔音綿, 空間都係好迫, 令到成隻膽(plate+pcb)冇位去帶到gasket mount應有既手感, 彈性, 同聲。 價錢係非常吸引, 但想比起市面上依家其實都有好多入門既套件, 如果GMMK PRO早多兩年面世, 佢都仲有生存既價值。 而依家差唔多價錢, 多好多唔同既選擇, 係每一個方面做考量, 除左價錢算平, 即買即用, 呢隻keyboard都冇乜野可取之處。 冇可取之處既意思係, 佢完全俾唔到premium custom keyboard既感覺, 手感仲差過市面上既現成board, 例如: filco, leopold, SP-STAR 等等。 由其是對新手黎講, 好似提子咁, 第一印象係好緊要。當你玩現成board玩到冇野好玩, 俾電競keyboard呃透左, 自然會想向custom進發。把心一橫入坑, 俾左2,3000(或者更多)出黎, 自自然然就係想有個種, 嘩, 原來custom board既感覺係咁, 想有個種, 市面上現成keyboard帶唔到既感覺俾你。 最後想持平D講句, 始終呢隻係glorious第一隻打正custom旗號出既board, 當然表現係唔合格。但我都想佢可以汲取今次既經驗同vendor/用家既feedback擺d心機落去做一隻真係價錢相宜, 而且有靈魂, 有自己風格, 有質素既鍵盤出黎, 俾各位用家有多一個選擇。                
2022-07-22